ಹುಬ್ಬಳ್ಳಿ: ನೈಋತ್ಯ ರೈಲ್ವೆ ಫೆಬ್ರವರಿ 2026 ಹಾಗೂ 2025–26ನೇ ಹಣಕಾಸು ವರ್ಷದ ಫೆಬ್ರವರಿವರೆಗಿನ ಅವಧಿಯಲ್ಲಿ ಸರಕು ಸಾಗಣೆ ಮತ್ತು ಪ್ರಯಾಣಿಕರ ಆದಾಯದಲ್ಲಿ ಗಮನಾರ್ಹ ಬೆಳವಣಿಗೆಯನ್ನು ಸಾಧಿಸಿ ಉತ್ತಮ ಆರ್ಥಿಕ ಮತ್ತು ಕಾರ್ಯಾಚರಣೆ ಸಾಧನೆಯನ್ನು ದಾಖಲಿಸಿದೆ.
2025–26ನೇ ಹಣಕಾಸು ವರ್ಷದ ಫೆಬ್ರವರಿ 2026ರವರೆಗೆ ನೈಋತ್ಯ ರೈಲ್ವೆ ಒಟ್ಟು ₹8,550 ಕೋಟಿ ಒಟ್ಟು ಆದಾಯ ಗಳಿಸಿದ್ದು, ಇದು ಹಿಂದಿನ ವರ್ಷದ ಇದೇ ಅವಧಿಗೆ ಹೋಲಿಸಿದರೆ 14.31% ಬೆಳವಣಿಗೆ ಆಗಿದೆ. ಇದರಲ್ಲಿ ಸರಕು ಸಾಗಣೆ ಆದಾಯ ₹4,876 ಕೋಟಿ ತಲುಪಿ 18.27% ಬೆಳವಣಿಗೆ ದಾಖಲಿಸಿದ್ದು ಪ್ರಮುಖ ಕೊಡುಗೆ ನೀಡಿದೆ. ಇದೇ ವೇಳೆ ಪ್ರಯಾಣಿಕರ ಆದಾಯ ₹3,154 ಕೋಟಿ ತಲುಪಿ 9.25% ಹೆಚ್ಚಳ ಕಂಡಿದೆ.
ಫೆಬ್ರವರಿ 2026 ತಿಂಗಳಲ್ಲಿ ಮಾತ್ರ ನೈಋತ್ಯ ರೈಲ್ವೆ ₹780 ಕೋಟಿ ಒಟ್ಟು ಆದಾಯ ಗಳಿಸಿದ್ದು, ಕಳೆದ ವರ್ಷದ ಹೋಲಿಕೆಯಲ್ಲಿ 7.25% ಬೆಳವಣಿಗೆ ಸಾಧಿಸಿದೆ. ಈ ತಿಂಗಳಲ್ಲಿ 13.66 ಮಿಲಿಯನ್ ಪ್ರಯಾಣಿಕರನ್ನು ಸಾಗಿಸುವ ಮೂಲಕ ಪ್ರಯಾಣಿಕರ ಆದಾಯ ₹307 ಕೋಟಿ ತಲುಪಿದ್ದು 14.47% ಏರಿಕೆ ದಾಖಲಾಗಿದೆ. ಸರಕು ಸಾಗಣೆ ಆದಾಯವು ₹415 ಕೋಟಿ ತಲುಪಿದರೆ, ವಾಣಿಜ್ಯ ವಿವಿಧ ಆದಾಯ ₹26.38 ಕೋಟಿ ಹಾಗೂ ಟಿಕೆಟ್ ಪರಿಶೀಲನೆ ಆದಾಯ ₹6.32 ಕೋಟಿ ಆಗಿದೆ.
ಸರಕು ಸಾಗಣೆ ಕ್ಷೇತ್ರದಲ್ಲಿ, 2025–26ನೇ ಹಣಕಾಸು ವರ್ಷದ ಫೆಬ್ರವರಿವರೆಗೆ ಒಟ್ಟು 47.5 ಮಿಲಿಯನ್ ಟನ್ (MT) ಮೂಲ ಸರಕುಗಳನ್ನು ಲೋಡ್ ಮಾಡಲಾಗಿದ್ದು, ಕಳೆದ ವರ್ಷದ 40.6 MT ಗಿಂತ 16.9% ಹೆಚ್ಚಳ ಕಂಡುಬಂದಿದೆ. ಇದು ನೈಋತ್ಯ ರೈಲ್ವೆ ಸ್ಥಾಪನೆಯಾದ ಬಳಿಕ ಏಪ್ರಿಲ್–ಫೆಬ್ರವರಿ ಅವಧಿಯಲ್ಲಿನ ಅತ್ಯುತ್ತಮ ಸಾಧನೆ ಆಗಿದೆ.
ವಸ್ತುವಾರು ಲೋಡಿಂಗ್ನಲ್ಲಿ ಕಬ್ಬಿಣದ ಅದಿರು 18.955 MT (10.7% ಬೆಳವಣಿಗೆ), ಉಕ್ಕು 9.858 MT (35.9% ಬೆಳವಣಿಗೆ – ಇದುವರೆಗಿನ ಗರಿಷ್ಠ ಸಾಧನೆ) ಹಾಗೂ ಕಲ್ಲಿದ್ದಲು 9.328 MT (16.6% ಬೆಳವಣಿಗೆ) ದಾಖಲಿಸಲಾಗಿದೆ.
ಫೆಬ್ರವರಿ 2026ರಲ್ಲಿ ಮಾತ್ರ 4.26 MT ಸರಕು ಲೋಡಿಂಗ್ ನಡೆಸಲಾಗಿದ್ದು, ಇದು ಕಳೆದ ವರ್ಷದಿಗಿಂತ 5.3% ಹೆಚ್ಚಳವಾಗಿದೆ. ಉಕ್ಕಿನ ಲೋಡಿಂಗ್ 0.89 MT ತಲುಪಿ ಫೆಬ್ರವರಿ ತಿಂಗಳಲ್ಲಿನ ಅತ್ಯುತ್ತಮ ಸಾಧನೆ ದಾಖಲಿಸಿದರೆ, ಕಲ್ಲಿದ್ದಲು ಲೋಡಿಂಗ್ 0.90 MT ತಲುಪಿ 19.6% ಬೆಳವಣಿಗೆ ಕಂಡಿದೆ. ಉಕ್ಕಿನ ಸ್ಥಾವರಕ್ಕೆ ಕಚ್ಚಾ ವಸ್ತುಗಳ ಲೋಡಿಂಗ್ 0.158 MT, ಆಹಾರ ಧಾನ್ಯ 0.066 MT, ಕಂಟೇನರ್ 0.085 MT ಹಾಗೂ ರಸಗೊಬ್ಬರ ಲೋಡಿಂಗ್ 0.084 MT ಆಗಿದ್ದು ಸ್ಥಿರವಾದ ಬೆಳವಣಿಗೆಯನ್ನು ಸಾಧಿಸಿದೆ.
ಸರಕು ಸಾಗಣೆ ಮತ್ತು ಆದಾಯ ಕ್ಷೇತ್ರಗಳಲ್ಲಿ ಕಂಡುಬಂದ ಈ ನಿರಂತರ ಬೆಳವಣಿಗೆ ನೈಋತ್ಯ ರೈಲ್ವೆಯ ಕಾರ್ಯಾಚರಣಾ ದಕ್ಷತೆ ಹೆಚ್ಚಿಸುವುದು, ಗ್ರಾಹಕ ಕೇಂದ್ರೀಕೃತ ಸೇವೆಗಳನ್ನು ಬಲಪಡಿಸುವುದು ಹಾಗೂ ಲೋಡಿಂಗ್ ಮೂಲಸೌಕರ್ಯ ಅಭಿವೃದ್ಧಿಗೆ ಕೈಗೊಂಡ ಕ್ರಮಗಳ ಯಶಸ್ಸನ್ನು ಪ್ರತಿಬಿಂಬಿಸುತ್ತದೆ.